«ԱՍԵՂՆԱԳՈՐԾՈՒԹՅՈՒՆ ԵՎ ՁԵՎԱՎՈՐՈՒՄ» դասընթաց - ԵՄ համաֆինանսավորմամբ իրականացվող «Դիլիջանի և հարակից համայնքների զարգացման նախաձեռնություն»

                    

 

ԵՄ համաֆինանսավորմամբ «Բի Էս Սի»-ի և IDeA-ի կողմից իրականացվող «Դիլիջանի և հարակից համայնքների զարգացման նախաձեռնության» երկրորդ դասընթացն է` «ԱՍԵՂՆԱԳՈՐԾՈՒԹՅՈՒՆ ԵՎ ՁԵՎԱՎՈՐՈՒՄ»:

Դասընթացը նախատեսված է այն անձանց, որոնք հետաքրքրվում են ձեռագործ աշխատանքներով, ունեն բազային ընդունակություններ ասեղնագործության ոլորտում և ցանկանում են խորացնել իրենց գիտելիքները և հմտությունները, տիրապետել դիզայնի նրբություններին, ինչպես նաև գույնի, ոճի և տեսակի ընտրության հարցում ունենալ ձևավորված ճաշակ ու տեսակետ:

 

Դասընթացի ժամանակ քննարկվող հիմնական թեմաներ.

Ասեղնագործության հիմնական սկզբունքներ և նրբություններ,

Ժանյակագործության հիմնական սկզբունքներ և նրբություններ,

Անհրաժեշտ պարագաների և նյութերի ընտրության չափանիշներ,

Գույների, նախշերի և ոճի ճիշտ ընտրություն,

Ձեռագործ աշխատանքի ստեղծման փուլերին ծանոթացում,

Աշխատանք-որակ համադրության ապահովում

 

Դասընթացի ավարտից հետո մասնակիցները կկարողանան.

Ստեղծել գեղեցիկ ձեռագործ աշխատանքներ, ինչպես նաև պատկերացում կազմել դրանց հետ կապված բոլոր նրբությունների մասին:

Ձևավորել անհատական ճաշակ գույների, ոճի և դիզայնի վերաբերյալ:

Դասընթացի շրջանակներում ստեղծել նրբաճաշակ և իրացվելի պարագաներ:

Դասընթացից ստացված հմտությունները կիրառել նաև հետագայում՝ ստեղծելով նոր տեսակի աշխատանքներ:

Արտացոլել դիլիջանյան յուրահատուկ ոճը ստեղծված աշխատանքներում:

 

Ժամանակացույց.

Յուրաքանչյուր խմբի համար դասընթացի ընդհանուր տևողությունն է 150 ժամ՝ ներառյալ տնային աշխատանքները և խորհրդատվությունը դասընթացավարի հետ:

Բուն դասընթացը տեղի կունենա շաբաթը 3 անգամ, յուրաքանչյուրը դասընթացը կտևի 2-4 ժամ

Խումբ 1.

Մեկնարկ՝ մարտի 19, ավարտ՝ ապրիլի 19

Խումբ 2.

Մեկնարկ՝ ապրիլի 23, ավարտ՝ մայիսի 23

Մարտի 19-ին դասընթացը կսկսի ժամը 15:00-ին: Հետագա օրերի վերաբերյալ տեղեկությունը կտրամադրվի ավելի ուշ:

 

Դասընթացավարներ.

Նատաշա Քալֆայան, Աննա Սաղոյան

 

Դասընթացի անցկացման վայր.

Դիլիջանի համայնքային կենտրոն, հասցե՝ ք. Դիլիջան, Մյասնիկյան 61

 

Ասեղնագործություն և ձևավորում դասընթացին գրանցվելու և մասնակցելու համար հետևեք հղմանը:

Մասնակցությունը դասընթացին անվճար է: